Атамекен Бизнес-арнасы “Сол жағалау” ток-шоуына Мемлекеттік-жеке меншік әріптестігі (МЖӘ) орталығы Фронт-кеңсесінің вице-президенті Нұрбол Жанабековтың қатысуымен сұхбат берілді. Бағдарлама барысында Білім және ғылым министрлігінің Қаржы орталығымен қоса жеке кәсіпкерлердің мемлекеттік-жеке меншік әріптестік, оның ішінде білім беру саласында МЖӘ тетігін қолдану жөнінде бірнеше сұрақтарына жауап берілді. Мектептер, балабақшалар, студенттік жатақханалар салу үшін кәсіпкерлер мемлекеттің қандай көмегін алуға мүмкіндігі бар, жалпы биыл МЖӘ туралы заңнамаға қандай өзгерістер енгізілді, қай салаларда МЖӘ басым қолданылады, өңірлерде кәсіпкерлер қаржысы тапшылығының себебі, оны шешу жолдары жөніндегі өзекті мәселелерге жауап берілді.
