Бүгін “Атамекен” ҰКП алаңында ҚР Парламенті депутаттарының, ҚР Ұлттық экономика министрлігі, Қазақстандық МЖӘ орталығы өкілдерінің, МЖӘ саласындағы сарапшылардың және басқа да мүдделі тұлғалардың қатысуымен онлайн және офлайн форматтарда МЖӘ жобаларына мониторинг жүргізу жөніндегі кеңестің кезекті отырысы өтті.
Айта кету керек, Мемлекет Басшысы Қасым-Жомарт Тоқаевтың ағымдағы жылдың қаңтарында отандық бизнес өкілдерімен кездесуде берген тапсырмаларын орындау аясында Кеңес МЖӘ тетіктерін жетілдіру мәселелерін қарады.
Кеңес барысында мемлекеттік сатып алу рәсімдерінен бас тарту және мемлекеттік міндеттемелердің өсуі, МЖӘ мамандарын сертификаттау институтын енгізу бөлігінде жобаларды іске асырудың табысты практикаларын әзірлеу мәселелері талқыланды. Бұдан басқа, ҚР Ұлттық экономика Вице-министрі Ілияс Өсеров МЖӘ тетігін жетілдіру бойынша министрлік қабылдайтын жедел шаралар шеңберінде жобаларды жоспарлау мен іске асырудың барлық процесін цифрландыру үшін бірыңғай платформа құруды ұсынды.
Кеңеске сондай-ақ стратегиялық жоспарлау, сыбайлас жемқорлыққа қарсы іс-қимыл жөніндегі агенттіктердің, қаржы, цифрлық даму, инновациялар және аэроғарыш өнеркәсібі министрлігінің өкілдері қатысты.
КМЖӘО баспасөз қызметі