<p>Мемлекет басшысына биылғы І тоқсандағы еліміздің экономикалық дамуының алдын ала қорытындылары, Экономикалық өсімді қалпына келтірудің кешенді жоспарының іске асырылуы туралы есеп берілді.</p> <p>Президентке экономиканың нақты секторындағы ахуал және жалпы ішкі өнімге қатысты болжамдар жөнінде баяндалды. Әсет Ерғалиев Қасым-Жомарт Тоқаевқа ортамерзімді перспективадағы экономиканың сапалы әрі орнықты дамуын қамтамасыз етудің негізгі жолдарын ұсынды.</p> <p>Сонымен қатар министр шағын және орта бизнесті қолдау жөніндегі Президент тапсырмасының орындалуы туралы баяндады.</p> <p>Кездесу барысында макроэкономикалық тұрақтылықты және өңірлік дамудың тепе-теңдігін қамтамасыз ету жөніндегі шараларға баса мән берілді.</p> <p>Кездесу соңында Мемлекет басшысы министрге бюджет саясатының тиімділігін арттыруға, өңірлік саясатты жетілдіруге және өңдеу өнеркәсібін дамытуға бағытталған бірқатар нақты тапсырма берді.</p> <p>Дереккөз: <a href=”https://www.akorda.kz/kz/prezident-asym-jomart-toaev-ltty-ekonomika-ministr-set-eralievt-abyldady”>Қазақстан Республикасы Президентінің ресми сайты</a></p>
